សមាគមសហគ្រិនស្ត្រីកម្ពុជា (CWEA) បាននិយាយថា ពាណិជ្ជកម្មអេឡិចត្រូនិកនៅកម្ពុជា ត្រូវបានកំណត់ថានឹងរីកចម្រើនយ៉ាងឆាប់រហ័ស ជាមួយនឹងភាពងាយស្រួលនៃការធ្វើអាជីវកម្មនៅក្នុងព្រះរាជាណាចក្រកម្ពុជា។ សហគ្រិនបានពន្យល់ថា វិស័យពាណិជ្ជកម្មអេឡិចត្រូនិកបានរីកដុះដាលនៅក្នុងប្រទេសក្នុងរយៈពេលប៉ុន្មានឆ្នាំចុងក្រោយនេះ ដោយសារការអភិវឌ្ឍន៍យ៉ាងឆាប់រហ័សនៃបច្ចេកវិទ្យា កំណើនអ្នកប្រើប្រាស់អ៊ីនធឺណែត និងជំងឺរាតត្បាតកូវីដ-១៩។
កែវ មុំ នាយកប្រតិបត្តិនៃឧស្សាហកម្មអាហារ លីលី និងជាប្រធានសមាគមសហគ្រិនស្ត្រីកម្ពុជា បានប្រាប់កាសែតខ្មែរថាមស៍ថា សារៈសំខាន់នៃការធ្វើអាជីវកម្មតាមរយៈពាណិជ្ជកម្មអេឡិចត្រូនិក មានអត្ថប្រយោជន៍ជាច្រើន ជាពិសេសក្នុងអំឡុងពេលបិទខ្ទប់នៃវិបត្តិជំងឺកូវីដ-១៩ ដែលជាឱកាសមួយ ដើម្បីឱ្យយើងលក់តាមអនឡាញ។
“យើងបានសង្កេតឃើញថានៅក្នុងបរិបទនៃការរាតត្បាតកូវីដ-១៩ ចំនួននៃការទិញទំនិញតាមអ៊ីនធឺណិតបានកើនឡើងយ៉ាងខ្លាំងក្នុងរយៈពេលបីឆ្នាំចុងក្រោយនេះ។ សម្រាប់អាជីវកម្មអនឡាញ វាចំណាយប្រាក់តិចសម្រាប់ការផ្សាយពាណិជ្ជកម្មតាមអ៊ីនធឺណិតជាជាងការជួលផ្ទះ និងតូប»។
លោកស្រីបានបន្តថា “មានអាជីវកម្មអេឡិចត្រូនិកមួយចំនួនដែលបរិមាណជួញដូរមិនទាន់ធំនៅឡើយ។ ការប្រើប្រាស់អេឡិចត្រូនិចរបស់ក្រសួងពាណិជ្ជកម្មមិនទាន់បានទូលំទូលាយនៅឡើយ។ ហើយយើងរំពឹងថាពាណិជ្ជកម្មអេឡិចត្រូនិកនេះនឹងបន្តរីកចម្រើនទៅថ្ងៃអនាគត»។
ទំហំទីផ្សារនៃពាណិជ្ជកម្មអេឡិចត្រូនិករបស់ប្រទេសកម្ពុជាបានកើនឡើងដល់៩៧០ លានដុល្លារកាលពីឆ្នាំមុន កើនឡើង១៩ ភាគរយពី ៨១៣ លានដុល្លារក្នុងឆ្នាំ២០២០ នេះបើយោងតាមព្រឹត្តិបត្តិរបស់ក្រសួងពាណិជ្ជកម្មដែលចេញផ្សាយនាពេលថ្មីៗនេះ។
ប្រាក់ចំណូលរបស់ពាណិជ្ជកម្មអេឡិចត្រូនិក ភាគច្រើនបានមកពីវិស័យម៉ូដ ដែលមានចំនួន ២៦៣.៣ លានដុល្លារ បន្ទាប់មកអេឡិចត្រូនិច (២៥៤.៤ លានដុល្លារ) សម្រស់ សុខភាព ការថែទាំផ្ទាល់ខ្លួន និងគ្រួសារ (២៣០,៥ លានដុល្លារ) ប្រដាប់ក្មេងលេង គ្រឿងសម្សាន្ត (៦៣ លានដុល្លារ) អាហារ និងភេសជ្ជៈ (១០១,៥ លានដុល្លារ) គ្រឿងសង្ហារិម (៤៦,៣ លានដុល្លារ) និងប្រព័ន្ធផ្សព្វផ្សាយ (១១ លានដុល្លារ) ។
ព្រឹត្តិបត្របានបន្ថែមទឿតថា ៥៥ ភាគរយនៃការបញ្ជាទិញទិញទំនិញតាមប្រព័ន្ធអេឡិចត្រូនិកត្រូវបានដាក់តាមរយៈអ៊ីនធឺណិតនៅលើកុំព្យូទ័រ ថេប្លេត ឬស្មាតហ្វូន។
វាបានបន្តថា៖ «នៅឆ្នាំ ២០២៥ ប្រាក់ចំណូលពាណិជ្ជកម្មអេឡិចត្រូនិកនៅកម្ពុជាត្រូវបានគេព្យាករថានឹងកើនដល់ ១,៧៨ ពាន់លានដុល្លារ»។
សម្រាប់អត្ថបទទាំងស្រុង សូមចូលទៅកាន់តំណភ្ជាប់នេះ
ដោយ៖ Sok Sithika
ព័ត៌មាន៖ ខ្មែរ ថាមសិ៍
កាលបរិច្ឆេទបោះពុម្ភផ្យាយ៖ ថ្ងៃទី១០ ខែកញ្ញា ឆ្នាំ២០២២
