គម្រោងធ្វើឱ្យប្រសើរឡើងនូវពាណិជ្ជកម្មអេឡិចត្រូនិកកញ្ចប់ទំនិញខ្នាតតូចសម្រាប់សហគ្រាសធុនតូច និងមធ្យម (SeT4SME) ត្រូវបានដាក់ឱ្យអនុវត្ត ដោយរៀបចំឡើងនៅក្រសួងពាណិជ្ជកម្មនៅថ្ងៃទី ៨ ខែកុម្ភៈ ដើម្បីជំរុញពាណិជ្ជកម្មអេឡិចត្រូនិកឆ្លងដែនសម្រាប់សហគ្រាសធុនតូច និងមធ្យម (SMEs)នៅកម្ពុជា។
លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានអញ្ជើញជាអធិបតីក្នុងពិធីសម្ពោធ ដែលសហការរៀបចំដោយក្រសួង និងអង្គការ Swisscontact កម្ពុជាតំណាងឱ្យសម្ព័ន្ធសកលសម្រាប់ការសម្របសម្រួលពាណិជ្ជកម្ម។
ថ្លែងទៅកាន់អ្នកចូលរួម លោកសូរស័ក្តិ បានសម្តែងការគាំទ្រចំពោះ SeT4SME ក្រោមកិច្ចសហប្រតិបត្តិការអនុវត្តពីវិស័យសាធារណៈ ដៃគូអភិវឌ្ឍន៍ និងវិស័យឯកជន។
ឯកឧត្តមរដ្ឋមន្ត្រីបានគូសបញ្ជាក់ថា គម្រោងនេះនឹងរួមចំណែកយ៉ាងសំខាន់ដល់កិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ក្នុងការលើកកម្ពស់កិច្ចសម្រួលពាណិជ្ជកម្មតាមរយៈឌីជីថលនីយកម្ម ជាពិសេសសម្រាប់ពាណិជ្ជកម្មអេឡិចត្រូនិកឆ្លងដែន។
គម្រោង SeT4SME គម្រោង SeT4SME មានគោលបំណងធ្វើឱ្យប្រសើរឡើងនូវការ អនុវត្តកិច្ចព្រមព្រៀងកិច្ចសម្រួលពាណិជ្ជកម្ម និងការអនុវត្តនីតិវិធីគយសម្រាប់ការដឹកជញ្ជូន ដើម្បីបង្កើនឱកាសសម្រាប់ពាណិជ្ជកម្មតាមប្រព័ន្ធអេឡិចត្រូនិកឆ្លងកាត់ព្រំដែន សម្រាប់ សហគ្រាសធុនតូច និងធម្យមនៅកម្ពុជា។
តាមរយៈគម្រោងនេះ អាជីវកម្មខ្នាតតូចនឹងបង្កើនល្បឿននៃការដឹកជញ្ជូន និងបើកទីផ្សារនាំចេញតាមរយៈសកម្មភាពចំនួនពីរ៖ ការគាំទ្រសមត្ថភាពស្ថាប័នសម្រាប់ការអនុវត្តទិន្នន័យកម្រិតខ្ពស់ (EAD) និងការអភិវឌ្ឍន៍ និងផ្សព្វផ្សាយ e-Trade Portal។
សម្រាប់អត្ថបទដើម សូមចូលទៅកាន់ដំណភ្ជាប់នេះ
ដោយៈ ផល សុផានិត
ព័ត៌មានៈ ខ្មែរថាមស៍
កាលបរិច្ចេទបោះពុម្ពផ្សាយៈ ថ្ងៃទី១០ ខែកុម្ភៈ ឆ្នាំ២០២២
