គម្រោងកម្ចីបន្ទាន់ពិសេសរបស់រដ្ឋាភិបាលកម្ពុជាដែលមានតម្លៃ១០០លានដុល្លារដើម្បីជួយសហគ្រាសធុនតូច និងមធ្យម និងវិស័យកសិកម្ម ក្នុងគោលបំណងស្តារសេដ្ឋកិច្ចឡើងវិញ។
ប្រាក់កម្ចីនេះ នឹងត្រូវផ្តល់ឱ្យវិស័យឯកជន តាមរយៈធនាគារសហគ្រាសធុនតូច និងមធ្យមរបស់រដ្ឋនៃកម្ពុជា និងធនាគារអភិវឌ្ឍន៍ជនបទ និងកសិកម្ម។
លោក អូន ព័ន្ធមុនីរ័ត្ន ឧបនាយករដ្ឋមន្ត្រី និងជារដ្ឋមន្ត្រីសេដ្ឋកិច្ច និងហិរញ្ញវត្ថុបាននិយាយថា កញ្ចប់ថវិកាចំនួន ១០០ លានដុល្លារនេះ នឹងមានគោលបំណងជួយដល់សេដ្ឋកិច្ចរបស់ប្រទេសជាតិនាពេលខាងមុខ។
លោកបានបន្ថែមថា “ថវិកាចំនួន ១០០ លានដុល្លារនឹងត្រូវប្រើប្រាស់ដើម្បីជំរុញវិស័យកសិកម្ម និងសហគ្រាសធុនតូច និងមធ្យម ដែលជាវិស័យសំខាន់បំផុតចំនួនពីរនៅក្នុងសេដ្ឋកិច្ចជាតិ ទាំងផ្នែកបង្កើតការងារ និងការលើកកម្ពស់ជីវភាពរស់នៅរបស់ប្រជាពលរដ្ឋ និងការលើកកម្ពស់កំណើនសេដ្ឋកិច្ចជាតិ”។
ថវិការនេះនឹងត្រូវចែកចាយស្មើៗគ្នារវាងស្ថាប័នហិរញ្ញវត្ថុទាំងពីរ ហើយយកទៅប្រើប្រាស់ក្នុងការអនុវត្តគាំទ្រដល់ឧស្សាហកម្មស្រូវអង្ករ ការចិញ្ចឹមសត្វ ផលិតកម្មដំណាំ និងគម្រោងហិរញ្ញប្បទានរួម។
សម្រាប់អត្ថបទដើម សូមចូលទៅកាន់ដំណភ្ជាប់នេះ
ព័ត៌មាន៖ ខ្មែរថាមស៍
កាលបរិច្ចេទបោះពុម្ពផ្សាយ៖ ថ្ងៃទី២២ ខែកុម្ភៈ ឆ្នាំ២០២២
