ការសិក្សាជាបន្តបន្ទាប់មានសារៈសំខាន់ណាស់សម្រាប់សហគ្រិន និងក្រុមការងាររបស់ពួកគេ។ ចំណេះដឹងកាន់តែមានតម្លៃ ជាពិសេសនៅពេលវាជំរុញនវានុវត្តន៍ ឬត្រូវបានប្រើដើម្បីទាញយកអត្ថប្រយោជន៍ពីបច្ចេកវិទ្យាថ្មីៗ។ ការសិក្សាគឺជាការវិនិយោគដ៏សំខាន់បំផុតមួយដែលអ្នកអាចធ្វើនៅក្នុងអាជីវកម្មរបស់អ្នក។
ជំនាញទន់ ដូចជា ភាពជាអ្នកដឹកនាំ ការប្រាស្រ័យទាក់ទង ការយល់ពីអតិថិជនរបស់អ្នក ការច្នៃប្រឌិត និងជំនាញផ្សេងៗទៀតគឺជាផ្នែកមួយដ៏សំខាន់សម្រាប់ពង្រឹងសមត្ថភាពបុគ្គលណាម្នាក់ ក្នុងការធ្វើការជាមួយអ្នកដទៃ និងអាចជះឥទ្ធិពលវិជ្ជមានដល់ការបង្កើនអាជីវកម្មរបស់អ្នក។ លក្ខណៈសម្បត្តិទាំងនេះ អាចឱ្យអ្នកប្រាស្រ័យទាក់ទងជាមួយអ្នកដទៃ ប្រកបដោយប្រសិទ្ធភាព។ ជំនាញទន់ អាចជួយអ្នកក្នុងការស្វែងរក និងទាក់ទាញអតិថិជន វិនិយោគិន និងដៃគូអាជីវកម្ម។
តាមរយៈការសិក្សាអនឡាញ អ្នកអាចចូលមើលខ្លឹមសារបានគ្រប់ទីកន្លែង និងគ្រប់ពេលវេលា។ អ្នកមិនចាំបាច់ឈប់សម្រាកពីការងារដើម្បីចូលរៀនឡើយ។ ការសិក្សាពីចម្ងាយមានប្រសិទ្ធភាពចំណាយ ព្រោះអ្នកអាចសន្សំសំចៃបានច្រើនលើថ្លៃធ្វើដំណើរ និងការស្នាក់នៅ។ ផ្នែកនេះរៀបរាប់ពីកម្មវិធីសិក្សាពីចម្ងាយនានាពីដៃគូរបស់ KhmerSME ដូចជា Impact Hub Phnom Penh សភាពាណិជ្ជកម្មអឺរ៉ុបប្រចាំកម្ពុជា កម្មវិធីបណ្តុះបណ្តាលអនឡាញសម្រាប់សហគ្រាសធុនតូច និងមធ្យមអាស៊ាន ថ្នាលបណ្ដុះបណ្ដាលអនឡាញ ASEAN Access LEARN និងថ្នាលអនឡាញផ្សេងទៀត។
សូមស្វាគមន៍ក្នុងការចូលរួមវគ្គបណ្តុះបណ្តាល Online របស់គ្រឹះស្ថានសិក្សាពាណិជ្ជកម្មសហគ្រាសខ្នាតតូច និងមធ្យម នៃមជ្ឈមណ្ឌលពាណិជ្ជកម្មអន្តរជាតិ។ វគ្គបណ្តុះបណ្តាលនេះ ត្រូវបានជ្រើសរើសដោយអគ្គនាយកដ្ឋានកសិកម្ម ពីក្នុងចំណោមវគ្គបណ្តុះបណ្តាលជាច្រើន របស់គ្រឹះស្ថានសិក្សាពាណិជ្ជកម្មសហគ្រាសខ្នាតតូចនិងមធ្យម។ វគ្គបណ្តុះបណ្តាលនេះរៀបចំជាភាសាខ្មែរ ដោយមានការគាំទ្រពី GIZ ហើយមានគោលបំណងក្នុងការពង្រឹងសមត្ថភាពធុរកិច្ចកម្ពុជាពាក់ព័ន្ធនឹងកសិកម្មនិងការនាំចេញ។
វគ្គបណ្ដុះបណ្ដាលនេះផ្ដល់ជូនដោយឥតគិតថ្លៃ។ សូមស្វែងរកវគ្គបណ្ដុះបណ្ដាលតាមជម្រើសរបស់លោកអ្នកខាងក្រោម៖
១. ការបំពេញតាមស្តង់ដារក្នុងវិស័យកសិកម្ម
២. ការណែនាំអំពីការនាំចេញទៅកាន់ប្រទេសចិន
មជ្ឈមណ្ឌលពាណិជ្ជកម្មអន្តរជាតិ ក៍ផ្ដល់ជូនឥតគិតថ្លៃ វគ្គបណ្ដុះបណ្ដាលអនឡាញសម្រាប់ប្រជាជនឡាវ វៀតណាម និងម៉ុងហ្គោល នៅក្នុងផ្នែកសហគ្រាសខ្នាតតូច និងមធ្យម។
Impact Hub Phnom Penh គឺជាផ្នែកមួយនៃបណ្តាញ Impact Hub ដែលមានបេសកកម្មពង្រឹងសិទ្ធិអំណាចយុវជន និងធុរកិច្ចថ្មី នៅ កម្ពុជា ដើម្បីរួមចំណែកដោះស្រាយបញ្ហា (សង្គម និងបរិស្ថាន) តាមរយៈសហគ្រិនភាព និងភាពជាអ្នកដឹកនាំ។ Impact Hub Phnom Penh ផ្តោតលើការគាំទ្រ Idea-stage early-stage និង growth-stage សហគ្រិនភាពតាមរយៈកម្មវិធីដូចជា៖
កម្មវិធី Incubator ជាច្រើនផ្សេងទៀត និងមានវត្តមាននៅឆ្នាំ២០២២ ដោយលើផ្នែក សេដ្ឋកិច្ចវិលជុំ(circular-economy) ការកសាងប្រកបដោយនិរន្តរភាព (sustainable buildings) ឬទំនិញបច្ចេកវិទ្យា (tech good)។ សម្រាប់ព័ត៌មានបន្ថែមសូមតាមដាន ទំព័រហ្វេសប៊ុកផ្លូវការរបស់ Impact Hub Phnom Penh។
Impact Hub ក៏ចូលរួមផងដែរក្នុងការអភិវឌ្ឍន៍កម្មវិធីសិក្សាដែលទទួលស្គាល់ជាភាសាខ្មែរ/អង់គ្លេសក្នុងភាពជាសហគ្រិន ដែល បច្ចុប្បន្នដាក់ឱ្យដំណើរការនៅក្នុងសាកលវិទ្យាល័យចំនួន 10 នៅទូទាំងប្រទេសកម្ពុជា ដើម្បីបង្កើនផ្នត់គំនិតសហគ្រិនភាព។
បន្ថែមពីលើការផ្តល់ជូន និងសកម្មភាពអនឡាញនៅទីក្រុងភ្នំពេញ Impact Hub ក៏ផ្តល់ជូននូវការបង្ហាត់បង្រៀនវិជ្ជាជីវៈដល់សហគ្រិន នៅខេត្តបាត់ដំបង និងខេត្តសៀមរាប តាមរយះ ភ្នំ Impact សៀមរាប និងភ្នំ Impact បាត់ដំបង។ នៅពេលនេះរាល់កម្មវិធី និងសេវាកម្មទាំងអស់ត្រូវបានផ្តល់ជូនដោយឥតគិតថ្លៃសម្រាប់ធុរកិច្ចថ្មីដែលបានជ្រើសរើស។ សម្រាប់សិក្ខាសាលា និង សកម្មភាពខ្លះៗអាចមានការគិតថ្លៃចូលរួមបន្តិចបន្តួច។
សម្រាប់ពត័មានបន្ថែមអំពី Impact Hub PhnomPenh លោកអ្នកអាចចូលទៅកាន់គេហទំព័រផ្លូវការនៅទីនេះ។
សភាពាណិជ្ជកម្មអឺរ៉ុបគឺជាសមាគមធុរកិច្ចបច្ចឹមប្រទេសដែលឈានមុខគេនៅកម្ពុជា។ សមាជិករបស់សភាពាណិជ្ជកម្មអឺរ៉ុប ក៏មានអាជីវកម្មកម្ពុជាផងដែរ ដែលរួមបញ្ចូលទាំងអាជីវកម្មធំៗ និងលេចធ្លោរហូតដល់អាជីវកម្មខ្នាតតូចដែលមានសក្ដានុពលតផងដែរ ។ សភាពាណិជ្ជកម្មអឺរ៉ុបប្រចាំកម្ពុជាមានគណៈកម្មាធិការតាមវិស័យជាច្រើនដែលមានភាពសកម្មខ្លាំង ដូចជាគណៈកម្មាធិការ តាមវិស័យភស្តុភារ ទេសចរណ៍ កសិ-ឧស្សាហកម្មជាដើម។ ក៏មានគម្រោងបង្កើតគណៈកម្មាធិការសហគ្រាសធុនតូច និងមធ្យមនាពេលខាង មុខផងដែរ។ លទ្ធផលការងាររបស់គណៈកម្មាធិការទាំងនេះ ត្រូវបានបោះពុម្ពផ្សាយនៅក្នុងសៀវភៅស ដែលបង្ហាញនូវអនុសាសន៍របស់វិស័យឯកជនសម្រាប់រដ្ឋាភិបាល។ សភាពាណិជ្ជកម្មអឺរ៉ុបក៏ផ្តល់សេវាកម្ម អាជីវកម្ម ការបណ្តុះបណ្តាល ហើយក៏ជាអ្នករួមចំណែកយ៉ាងសកម្មក្នុងវេទិការវាងរដ្ឋាភិបាល និងវិស័យឯកជនផងដែរ។
ថ្លៃសមាជិកភាព៖ ៣៧០ ដុល្លារ សម្រាប់សហគ្រាសធុនតូច និងមធ្យម
សម្រាប់ព័ត៌មានបន្ថែមអំពី សភាពាណិជ្ជកម្មអឺរ៉ុបប្រចាំនៅកម្ពុជា លោកអ្នកអាចចូលទៅកាន់គេហទំព័រផ្លូវការនៅទីនេះ។
SEA-VET Learning គឺជាថ្នាលឌីជីថលសម្រាប់អ្នកជំនាញ TVET ( Technical and Vocational Education and Training) ដែលចង់រៀនជំនាញថ្មីៗ និងអភិវឌ្ឍន៍អាជីពរបស់ពួកគេ។
SEA-VET Learning ផ្តល់ជូននូវវគ្គបណ្តុះបណ្តាលតាមរយៈអនឡាញដែលមានលក្ខណៈគ្រប់គ្រាន់សម្រាប់អ្នកជំនាញ TVET ដើម្បីបំពេញតម្រូវការក្នុងពិភពការងារនាពេលអនាគត។
ប្រសិនបើអ្នកជាអ្នកសិក្សា គ្រាន់តែបង្កើតគណនី ហើយចាប់ផ្តើមស្វែងរកមុខជំនាញដែលលោកអ្នកចង់រៀនពី SEA-VET Learning។ ចូលទៅកាន់ទំព័រទិដ្ឋភាពទូទៅនៃវគ្គសិក្សា ហើយចុះឈ្មោះចូលរៀនវគ្គសិក្សាតាមអ៊ីនធឺណិតដោយឥតគិតថ្លៃ។
ប្រសិនបើអ្នកជាគ្រូបង្រៀន បង្កើតវគ្គសិក្សាផ្ទាល់ខ្លួនរបស់អ្នកនៅលើ SEA-VET Learning សូមទាក់ទង learning(at)sea-vet.net ជាមួយនឹងព័ត៌មានអំពីខ្លួនអ្នក ខ្លឹមសារនៃវគ្គសិក្សា និងករណីប្រើប្រាស់។ បង្កើតគណនីមួយដើម្បីចូលប្រើ និងចូលរួមវគ្គសិក្សាដែលមាន។ សម្រាប់ព័ត៌មានបន្ថែម សូមចូលទៅកាន់គេហទំព័រ SEA-VET Learning
ថ្នាលបណ្ដុះបណ្ដាលអនឡាញ ASEAN Access LEARN
ថ្នាលបណ្ដុះបណ្ដាលអនឡាញ ASEAN Access LEARN គឺជាទំព័រផ្លូវការសម្រាប់វគ្គបណ្តុះបណ្តាលនៃគេហទំព័រASEAN Access ដែលជាវេទិការដ៏លេចធ្លោ សម្រាប់ការធ្វើពាណិជ្ជកម្មអន្តរជាតិនៅក្នុងតំបន់អាស៊ាន។ សមាជិកដែលបានចុះឈ្មោះនៅលើថ្នាលបណ្ដុះបណ្ដាលអនឡាញ ASEAN Access LEARN អាចចូលរួមក្នុងវគ្គបណ្តុះបណ្តាលជាច្រើនដោយឥតគិតថ្លៃ។
ថ្នាលបណ្ដុះបណ្ដាលអនឡាញ ASEAN Access LEARN គំាទ្រដល់ការរីកលូតលាស់នៃសហគ្រាសធុនតូច និងមធ្យម តាមរយៈការបណ្តុះបណ្តាលផ្ទាល់តាមរយៈអនឡាញ រួមទាំងស្វ័យសិក្សា ដោយផ្តោតលើពាណិជ្ជកម្មអន្តរជាតិ។ វគ្គបណ្តុះបណ្តាលត្រូវបាននាំមកជូនអ្នកដោយបណ្តាញដៃគូរបស់យើងនៅទូទាំងប្រទេសអាស៊ានទាំង១០។
ថ្នាលបណ្ដុះបណ្ដាលអនឡាញ ASEAN Access LEARN ផ្តល់វគ្គបណ្តុះបណ្តាលតាមរយៈអនឡាញ លើការនាំចូល នាំចេញ និងពាណិជ្ជកម្មតាមប្រព័ន្ធអេឡិចត្រូនិច ដោយមិនគិតថ្លៃសម្រាប់សមាជិកដែលបានចុះឈ្មោះទាំងអស់។
សម្រាប់ព័ត៌មានបន្ថែម សូមចូលទៅកាន់គេហទំព័រ ASEAN Access LEARN
នៅខែមីនា ឆ្នាំ២០១៤ ទីភ្នាក់ងារសហរដ្ឋអាមេរិកសម្រាប់ការអភិវឌ្ឍអន្តរជាតិ (USAID) និងក្រុមប្រឹក្សាធុរកិច្ចអាមេរិក-អាស៊ាន (US-ABC) បានបើកដំណើរការសម្ព័ន្ធធុរកិច្ចមអាមេរិក-អាស៊ានសម្រាប់សហគ្រាសធុនតូច និងមធ្យមដែលមានភាពប្រកួតប្រជែង (សម្ព័ន្ធធុរកិច្ច) ។ ភាពជាដៃគូសាធារណៈ ឯកជន ប្រកបដោយនវានុវត្តន៍នេះបានបណ្តុះបណ្តាលម្ចាស់សហគ្រាសធុនតូច និងមធ្យមជាង ៧០០០ នាក់ ដោយប្រើប្រាស់ជំនាញលំដាប់ថ្នាក់ពិភពលោក ដែលផ្តល់ជូនដោយសមាជិកសាជីវកម្មនៃក្រុមប្រឹក្សាធុរ កិច្ចអាមេរិក-អាស៊ាននៅក្នុងវិស័យដូចជា ការគ្រប់គ្រងទីផ្សារ និងពាណិជ្ជកម្ម ហិរញ្ញវត្ថុ ច្បាប់ ភស្តុភារ និងបច្ចេកវិទ្យាព័ត៌មាន។ ឥឡូវនេះ ដៃគូសម្ព័ន្ធធុរកិច្ចបានបង្កើតឧបករណ៍បណ្តុះបណ្តាលអនឡាញដែលមានឈ្មោះថា ASEAN SME Academy ដែលអាចទទួលសហគ្រាសធុនតូច និងមធ្យមជាច្រើនទៀត។
ចំណុចស្នូលនៃកម្មវធីបណ្តុះបណ្តាលនេះគឺឯកសារបណ្តុះបណ្តាលសម្រាប់សហគ្រាសធុនតូច និងមធ្យមដែលបានមកពី ក្រុមហ៊ុន Fortune 500។ លើសពីនេះទៀត កម្មវធីបណ្តុះបណ្តាលនេះបញ្ចូលនូវឯកសារបណ្តុះបណ្តាលផ្តោតលើសហគ្រាសធុនតូច និងមធ្យម ដែលបានមកពីក្រុមហ៊ុនក្នុងតំបន់ និងអង្គការអន្តរជាតិនានា។ វគ្គសិក្សាទាំងនេះគឺជាផ្នែកនៃកម្មវិធីធំមួយសម្រាប់ផ្តល់ការបណ្តុះបណ្តាល និងការបង្ហាត់បង្រៀន ដើម្បីបង្កើនលទ្ធភាពរបស់សហគ្រាសធុនតូច និងមធ្យមអាស៊ាន នៅក្នុងការទទួលបានផលិតផលហិរញ្ញវត្ថុ ការចូលទៅទីផ្សារក្នុងតំបន់ និងអន្តរជាតិ សេវាកម្មព័ត៌មាន និងប្រឹក្សាយោបល់ ព្រមទាំង បច្ចេកវិទ្យា និងនវានុវត្តន៍។
កម្មវធីបណ្តុះបណ្តាលនេះក៏មានព័ត៌មានអំពីអាជីវកម្មដែលពាក់ព័ន្ធជាពិសេសដល់សហគ្រាសធុនតូច និងមធ្យមក្នុងតំបន់ដោយអនុញ្ញាតិឱ្យអ្នកចូលរួមប្រើប្រាស់បញ្ជីអ្នកផ្គត់ផ្គង់សេវានានាដែលពួកគេអាច ទាក់ទងសម្រាប់ការប្រឹក្សាយោបល់ផ្នែកហិរញ្ញវត្ថុកម្មវិធីសាជីវកម្ម និងការចងក្រងជាបណ្តាញជាដើម។ កម្មវធីបណ្តុះបណ្តាលនេះក៏មានប្រតិទិនព្រឹត្តិការណ៍ ដើម្បីផ្តល់ជូនអ្នកប្រើប្រាស់នូវព័ត៌មានបន្ថែមអំពីការបណ្តុះបណ្តាលពីសម្ព័ន្ធធុរកិច្ច និងសេវាកម្មអភិវឌ្ឍន៍អាជីវកម្មនៅក្នុងតំបន់។ អ្នកប្រើប្រាស់កម្មវធីបណ្តុះបណ្តាលនេះនឹងបង្កើតគណនីអ្នកប្រើប្រាស់មួយ នៅពេលចុះឈ្មោះចូលប្រើប្រាស់ដំបូងដើម្បីជួយ សម្រួលដល់អ្នកប្រើប្រាស់នៅក្នុងការចូលប្រើឯកសារជាក់លាក់សម្រាប់ឧស្សាហកម្មរបស់ពួកគេ និងតភ្ជាប់ទៅកាន់ផ្នែកគាំទ្រអាជីវកម្មដែលមានស្រាប់។ ព័ត៌មាន និងកម្មវិធីសិក្សាមួយចំនួននឹងត្រូវបានជ្រើសរើសដើម្បីបកប្រែជាភាសាជាតិ ដើម្បីឱ្យក្រុមហ៊ុនកាន់តែច្រើនអាចទទួលបានអត្ថប្រយោជន៍ពីកម្មវធីបណ្តុះបណ្តាលនេះ។
សម្រាប់ព័ត៌មានបន្ថែមអំពី កម្មវិធីបណ្ដុះបណ្ដាលសហគ្រាសធុនតូច និងមធ្យមអាស៊ាន អ្នកអាចចូលទៅកាន់គេហទំព័រផ្លូវការនៅទីនេះ នឹងទស្សនាវិដេអូនៅខាងក្រោមនេះ
តើលោកអ្នកកំពុងពិចារណាចាប់ផ្តើមអាជីវកម្មនៅប្រទេសកម្ពុជា តែខ្វះព័ត៌មាន? កុំសម្លឹងទៅណាឆ្ងាយ! លោកអ្នកនឹងទទួលបានព័ត៌មានជាមួយការណែនាំពីការធ្វើអាជីវកម្មនៅក្នុងប្រទេសកម្ពុជា។ ចេះពីរបៀបបើកអាជីវកម្ម អាជ្ញាប័ណ្ណចាំបាច់ ការបង់ពន្ធ រហូតដល់របៀបបិទក្រុមហ៊ុននៅពេលបញ្ចប់អាជីវកម្មរបស់លោកអ្នកនៅក្នុងប្រទេសកម្ពុជា។
អានបន្ត ឆែកមើលអ្នកផ្គត់ផ្គង់សេវាកម្ម
