កម្ពុជា​បាន​នាំចេញ​កសិផល​ជាង​ ​៦​,​១​៣​ ​លាន​តោន​ក្នុង​ឆមាស​ទី​១​ ​ឆ្នាំ​ ​២​០​២​៤​ ​កើន​ឡើង​ ​៥​៧​ ​ភាគរយ​ ​បើ​ធៀប​នឹង​រយៈពេល​ដូចគ្នា​ក្នុង​ឆ្នាំ​ ​២​០​២​៣​ ​ដែល​រកចំណូល​បានជា​ង​ ​២​,​៨​ ​ពាន់​លាន​ដុល្លារ​ ​នេះ​បើ​យោង​តាម​របាយការណ៍​របស់​អគ្គនាយកដ្ឋាន​កសិកម្ម​ ​ចុះផ្សាយ​ដោយ​ធនាគារ​អភិវឌ្ឍន៍​ជនបទ​ ​និង​កសិកម្ម​ (​AR​D​B) ​នៅ​ថ្ងៃអង្គារ​នេះ​។​

​របាយការណ៍​បានឲ្យ​ដឹង​ថា​ ​ការនាំចេញ​កសិផល​ក្នុង​ឆមាស​ទីមួយ​ឆ្នាំនេះ​បាន​កើន​ឡើងជា​ង​ ​២​,​២​៣​ ​លាន​តោន​។​ ​ក្នុងរយៈពេល​ដូចគ្នា​នៃ​ឆ្នាំ​២​០​២​៣​ ​កម្ពុជា​បាន​នាំចេញ​កសិផល​បាន​ត្រឹមតែ​ ​៣​,​៩​ ​លាន​តោន​ប៉ុណ្ណោះ​ ​ដែល​រកចំណូល​បាន​ ​២​,​៤​ ​ពាន់​លាន​ដុល្លារ​។​

កសិផល​ដែល​បាន​រួមចំណែក​ជំរុញ​កំណើន​នៃ​ការនាំចេញ​រួម​មាន​ ​អង្ករ​ ​ស្រូវ​ ​ដំឡូងមី​ស្រស់​ ​ម្សៅ​ដំឡូងមី​ ​គ្រាប់ស្វាយ​ចន្ទី​ ​ពោត​ ​ផ្លែស្វាយ​ស្រស់​ ​មៀន​ប៉ៃលិន​ស្រស់​ ​និង​ម្រេច​។​

​ផលិតផល​ត្រូវ​បាន​នាំចេញ​ទៅកាន់​ប្រទេស​ចំនួន​៨​០​ ​រួម​មាន​វៀតណាម​ ​ថៃ​ ​ចិន​ ​និង​កូរ៉េ​ខាងត្បូង​។​

​របាយការណ៍​បាន​បន្ត​ថា​ “​ការនាំចេញ​កសិផល​ជាង​ ​៣​,​៨​៦​ ​លាន​តោន​ ​គឺជា​ផលិតផល​មិនមែន​អង្ករ​ ​ដែល​រកចំណូល​បានជា​ង​ ​២​,​១​ ​ពាន់​លាន​ដុល្លារ​” ​និង​ការនាំចេញ​អង្ករ​មាន​ចំនួន​៣​៣​០​.​០​០​០​ ​តោន​ ​និង​ស្រូវ​ច្រើនជាង​ ​១​.​៩​២​ ​លាន​តោន​។​

​របាយការណ៍​បន្ថែម​ថា​ ​ក្នុង​ឆមាស​ទី​១​ឆ្នាំនេះ​ ​ការនាំចេញ​អង្ករ​របស់​កម្ពុជា​កើន​ឡើង​ ​២​.​៧​៤​ ​ភាគរយ​ ​ស្រូវ​ ​៥​៧​.​២​៨​ ​ភាគរយ​ ​ម្សៅ​ដំឡូងមី​ជាង​ ​១​០​០​ ​ភាគរយ​ ​គ្រាប់ស្វាយ​ចន្ទី​ជាង​ ​៥​០​ ​ភាគរយ​ ​និង​ពោត​ ​២​៥​០​ ​ភាគរយ​ ​ខណៈ​ដំឡូងមី​ស្ងួត​ថយ​ចុះ​ ​៨​ ​ភាគរយ​ ​និង​ចេក​ស្រស់​ ​២​២​ ​ភាគរយ​។​

​ការនាំចេញ​ផ្លែស្វាយ​ស្រស់​កើន​ឡើងជា​ង​ ​១​០​០​ ​ភាគរយ​ ​ស្វាយ​ស្ងួត​ ​៣​៨​ ​ភាគរយ​ ​ផ្លែ​មៀន​ប៉ៃលិន​ជាង​ ​១​២​០​ ​ភាគរយ​ ​និង​ម្រេច​ជាង​ ​១​១​៧​ ​ភាគរយ​ ​ខណៈ​កសិផល​ផ្សេងទៀត​ធ្លាក់ចុះ​ ​១​៣​ ​ភាគរយ​។​

​សម្រាប់អត្ថបទទាំងស្រុង​ សូមអាននៅទីនេះ

ដោយ៖ Mom Kunthea

កាលបរិច្ឆេទបោះពុម្ភផ្សាយ៖ ថ្ងៃទី៥ ខែកក្កដា ឆ្នាំ២០២៤

ព័ត៌មាន៖ ខ្មែរ​ថា​ម​ស៍